ALABEL, Sarangani Province (Setyembre 05, 2022) – Nagmalampuson ang gipahigayon nga Ceremonial Signing sa Memorandum of Agreement (MOA) sa Lokal nga Panggamhanan sa Alabel ug J.J. Valderrama Behavioral Center, Lunes sa buntag, Setyembre 05, 2022 atul sa gipahigayon nga flag-raising ceremony sa Alabel Municipal Civic Gymnasium.
Ang Lokal nga Panggamhanan sa Alabel nga gi-representahan ni Municipal Mayor Vic Paul M. Salarda, MPA samtang si Jerry Joseph C. Valderama ang mi-representar sa J.J. Valderrama Behavioral Management Center. Nagsilbing witness sa maong aktibidad ang mga myembro sa Sangguniang Bayan sa Alabel.
Tumong sa maong MOA signing ang pagpalig-on pa sa programa kabahin sa Rehabilitation efforts ngadto sa mga kanhing drug dependent nga kinahanglan og reformation subay sa mandu sa korte. Kini nga mga aktibidad nahisulod sa maong memorandum of agreement, asa ang Lokal nga Panggamhanan sa Alabel mugahin og pondo aron mamahimong makatabang pinansyal sa mga kleyente sa maong programa nga dili muubos og Twelve Thousand Pesos (P 12, 000.00) matag kliyente.
Ang Lokal nga Panggamhanan sa Alabel usab ang muhatag og probisyon sa pagkaon sa mga kliyente sa Balay Silangan og reformatory center nga nahimutang sa Birthing home compound sa munisipyo. Kahibaloan nga kaniadtong Pebrero 2022, gi- inugurahan ang Balay Silangan sa Alabel.
Gilauman nga pinaagi sa maong MOA, mamahimong mapalig-on ang programa alayun sa pakigbatuk sa illegal nga droga nga matud tinubdan sa mga kadaut ug krimen sa katilingban. Ang maong mga pagpaningkamot sa Lokal nga Panggamhanan sa Alabel, mi-resulta aron ang Alabel mamahimong madeklara isip DRUG CLEARED MUNICIPALITY subay sa anunsyo nga gipagawas sa Philippine Drug Enforcement Agency (PDEA). Timailhan kini sa seryuso nga pagpakabana sa lungsod sa anti-illegal drugs campaign sa milabayng administrasyon ni Presidente Rodrigo Roa Duterte ug sa bag-ohay nga administrasyon ni Presidente Ferdinand Romualdez “Bongbong” Marcos, Jr.
Sumala ni Jean Quirante, MADAC focal person sa Alabel, nga gina-andam na ang pasilidad alang sa unang sesyon sa programa karong umaabot nga Oktubre. Ang J.J. Valderrama Behavioural Management Center ang mi-facilitate sa 21 – day reformatory session samtang mu- designate ang Lokal nga Panggamhanan sa Alabel og mga Civil Security Unit (CSU) personnel nga mubantay sa pasilidad, mga facilitator ug kliyente.
Ang Balay Silangan sa Alabel, i-supervise ni Marivic Flores.
Ang pagsuporta usab sa mga myembro sa Sangguniang Bayan sa Alabel nga gipangunahan ni Municipal Vice Mayor Lente “Jun” Salway, Jr. nahimong posible sa maong aktibidad.
Anaa usab sa seremonyas sila Argel Joseph S Aventura, mga myembro sa Sangguniang Bayan sa Alabel nga sila Municipal Councilors Joel Aton, Paul Villamora, Tungko P Sadavao, Ferdinand Rey Flores, Danny Jabilles, Bonifacio “Nonoy” Pacquiao ug IPMR Manuelo Mangalon. (ALABEL INFORMATION OFFICE)
JJ Valderrama Behavioral Management Center 